ਤਾਜਾ ਖਬਰਾਂ
ਗੁਜਰਾਤ ਦੇ ਜਾਮਨਗਰ ਦੇ ਬਾਹਰਵਾਰ ਬੁੱਧਵਾਰ ਦੇਰ ਰਾਤ ਇੱਕ ਲੜਾਕੂ ਜਹਾਜ਼ ਹਾਦਸਾਗ੍ਰਸਤ ਹੋ ਗਿਆ। ਇਹ ਘਟਨਾ ਕਲਾਵੜ ਰੋਡ 'ਤੇ ਸੁਵਾਰਦਾ ਪਿੰਡ ਨੇੜੇ ਵਾਪਰੀ। ਇਸ ਹਾਦਸੇ ਵਿੱਚ ਇੱਕ ਪਾਇਲਟ ਦੀ ਮੌਤ ਹੋ ਗਈ ਹੈ, ਜਦਕਿ ਇੱਕ ਗੰਭੀਰ ਜ਼ਖ਼ਮੀ ਹੈ।ਹਾਦਸੇ ਤੋਂ ਬਾਅਦ ਜਹਾਜ਼ ਦੇ ਕਈ ਟੁਕੜੇ ਹੋ ਗਏ ਅਤੇ ਬਾਅਦ 'ਚ ਜਹਾਜ਼ ਨੂੰ ਅੱਗ ਲੱਗ ਗਈ, ਹਾਦਸੇ ਵਾਲੀ ਥਾਂ 'ਤੇ ਪਿੰਡ ਵਾਸੀ, ਪੁਲਿਸ ਅਤੇ ਪ੍ਰਸ਼ਾਸਨ ਮੌਜੂਦ ਹਨ।
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ 7 ਮਾਰਚ ਨੂੰ ਹਰਿਆਣਾ ਦੇ ਪੰਚਕੂਲਾ ਵਿੱਚ ਏਅਰ ਫੋਰਸ ਦਾ ਜੈਗੁਆਰ ਲੜਾਕੂ ਜਹਾਜ਼ ਤਕਨੀਕੀ ਖਰਾਬੀ ਕਾਰਨ ਕਰੈਸ਼ ਹੋ ਗਿਆ ਸੀ। ਲੜਾਕੂ ਜਹਾਜ਼ ਨੇ ਸਿਖਲਾਈ ਲਈ ਅੰਬਾਲਾ ਏਅਰਬੇਸ ਤੋਂ ਉਡਾਣ ਭਰੀ ਸੀ।ਇਸ ਹਾਦਸੇ ਵਿੱਚ ਪਾਇਲਟ ਜੈੱਟ ਤੋਂ ਸੁਰੱਖਿਅਤ ਬਾਹਰ ਨਿਕਲਣ ਵਿੱਚ ਕਾਮਯਾਬ ਰਿਹਾ। ਉਸੇ ਦਿਨ, ਪੱਛਮੀ ਬੰਗਾਲ ਦੇ ਬਾਗਡੋਗਰਾ ਵਿੱਚ ਉਤਰਨ ਤੋਂ ਬਾਅਦ ਰੂਸੀ ਮੂਲ ਦਾ ਇੱਕ ਏਅਰ ਫੋਰਸ ਟ੍ਰਾਂਸਪੋਰਟ ਜਹਾਜ਼, ਏਐਨ-32 ਹਾਦਸਾਗ੍ਰਸਤ ਹੋ ਗਿਆ।
Get all latest content delivered to your email a few times a month.
